Seinasta summar varð ein pylsuvognur settur nærhendis vøllin við Løkin í Runavík. Vognurin var keyptur av felagnum Sp/f Rókin, sum er ein av stuðlunum hjá felagnum - við tí fyri eyga at skapa eina eyka inntøkukeldu til NSÍ.
Pylsuvognurin – ein sólskinssøga hjá NSÍ
Seinasta summar varð ein pylsuvognur settur nærhendis vøllin við Løkin í Runavík. Vognurin var keyptur av felagnum Sp/f Rókin, sum er ein av stuðlunum hjá felagnum - við tí fyri eyga at skapa eina eyka inntøkukeldu til NSÍ.
Í byrjanini var ikki heilt greitt, hvussu felagið skuldi skipa virksemið rundan um pylsuvognin, men fyrstu royndirnar vórðu gjørdar í fjør, har søla var skipað til nakrar heimadystir hjá monnum, eins og vognurin var nýttur til einstakar dystir hjá kvinnum. Harumframt var pylsuvognurin til staðar til tiltøk, sum NSÍ skipaði fyri á Eystanstevnu, til NSÍ-dagar, til Stuðulsrenningina og eisini til Eydnufestivalin sum var í Løkshøll í fjør. Eisini vóru serligar treytir fyriskipaðar í samband við innandurakappingina fyrr í ár, har øll børnini fingu ókeypis franskar, sunkist og chips.
Virksemið í pylsuvogninum hevur verið ein stór success, og áskoðarar hava javnan gjørt vart við, hvussu gott tað hevur verið, at havt møguleika at keypa sær okkurt heitt at eta undir dystum.Linda Højgaard hevur havt høvuðsábyrgdina av innkeypi og fyrireiking í pylsuvogninum. Uttan hana, hevði hetta átakið nokk ikki verið ein veruleiki.
Til kappingarárið 2025, kunngerða vit, longu nú, at pylsuvognurin verður opin til allar heimadystir hjá monnum í Betri-deildini, eisini kemur pylsuvognurin at vera opin til nakrar dystir hjá kvinnum í Betri-deildini og afturat hesum til ymisk lokal tiltøk. Við royndunum frá í fjør er nú lættari at skipa arbeiðið, og í ár hava 20 sjálvboðin játtað at hjálpa til í pylsuvogninum.
Við hesum átakinum hevur NSÍ skapt eitt serligt savningarstað, ið bæði stuðlar felagnum fíggjarliga og styrkir um felagsandan.
NSÍ ynskir at takka tykkum øllum, ið longu hava játtað seg at arbeiða í pylsuvogninum í summar og vónar at ákoðarar við Løkin framhaldandi taka væl ímóti pylsuvoginum í 2025.
Mynd tikin týskvøldið 18. mars. 2025Mynd úr erva til vinstru: Helena H. Højgaard, Ann Mari Midjord, Tórhild L. Hansen, Bogi Hansen, Sigrid J. Dalgaard, Herbjørg H. Jøkladal, Elinbjørg Hansen, Rakul Jensen, Linda Højgaard, Elly Lind Jóanesarson, Sunneva Vang, Beata R. Hansen, Annemie B. Nielsen.
Hesar mangla á myndini: Eyð Reginsdóttir Fredriksberg, Anita Jacobsen, Durita Persdóttir Joensen, Sólva Óladóttir Weihe, Anita Joensen, Naomi Jøkladal og Ása Búadóttir Jensen.
