Brandur Hendriksson Olsen hevur skrivað undir ein 3 ára sáttmála við NSÍ
NSÍ hevur í dag skrivað undir við Brandur Hendriksson Olsen. Vælkendi skálavíkingurin hevur skrivað undir ein 3 ára sáttmála.
Brandur byrjaði sína fótbóltsleið í barndómsfelagnum B71, men í 2011 fór hann til FC København at royna seg hjá danska stórfelagnum. Í fyrru helvt av kappingini 2014/2015 fekk hann sín fyrsta dyst á besta liðnum, har hann seinni eisini fekk sett sín dám á endaliga úrslitið hjá FCK. Í steypafinaluni skoraði hann avgerandi málið til 3-2, og góðar tvær vikur seinni fekk hann einasta málið í seinasta dystinum móti OB, ið samstundis tryggjaði FCK 2. plássið í landskappingini.
Brandur hevur síðani leikt við Vendsyssel FF og Randers FC í Danmark, FH Hafnafjørður í Íslandi, Helsingborgs IF í Svøríki og ikki minst Frederikstad í Noreg, har hann hetta kappingarárið megnaði av blíva norskur steypavinnari.
Kreativi miðvallarin hevur ikki færri enn 63 landsdystir fyri Føroyar samanlagt, og hevur hann skorað 6 mál. (faroesoccer.com)
Brandur kemur til NSÍ við einari rúgvu av altjóða royndum og fótbóltsligum dygdum, ið veruliga kemur at geva felagnum nakað eyka.
NSÍ ynskir Brandi hjartaliga vælkomnan í felagið, og vit fegnast um, at hann komandi trý árini kemur at vera GULUR.
SAMAN STANDA VIT STERK!
Høvuðstuðul hjá NSÍ er Navigare Shipping Sp/f
.png)
