Beinir Nolsøe nýggjan sáttmála

21-ára gamli Beinir Nolsøe hevur júst skrivað nýggjan 2-ára sáttmála við NSÍ.

Beinir hevur veruliga spælt seg inn á liðið hjá NSÍ seinastu dystirnar. Ungi og evnaríki miðvallarin er ógvuliga arbeiðssamur í verjuspælinum, og so luttekur hann eisini nógv í framrættaða spælinum. Hann hevur skotið tvey mál í ár.

Beinir hevur spælt fleiri U-landsdystir fyri U19-liðið hjá Føroyum.

Samanlagt hevur Beinir spælt 61 dystir í næstbestu deildini og 41 dystir í bestu deildini. Talan er sostatt um ein royndan ungan leikara, ið framhaldandi kemur at umboða NSÍ.

Tað gleðir okkum, at vit koma at síggja Beinir í gulu blusuni við Løkin næstu nógvu árini.

Saman standa vit sterk!