Smádreingirnir í steypafinaluni
Smádreingirnir tryggjaðu sær í kvøld finalupláss í kappingini um Cadburysteypið.
Hálvfinalan var leikt við Løkin, og vunnu NSÍ smádreingirnir ein tryggan 6-2 sigur á EB/Streymi.
Í finaluni møta smádreingirnir HB, sum í hinari hálvfinaluni vann 5-2 á B68 í Havn.
Finalan verður leikt 12. juni í Havn.
Smádreingirnir eru higartil í ár ósigraðir bæði í lands- og steypakappingini. Tveir dystir eru eftir at leika í fyrru helvt í landskappingini. Tann fyrri er komandi leygardag á útivølli móti HB ,og tann seinni 5. juni á heimavølli móti KÍ.