NSÍ hevur keypt Video tøkni frá Spiideo

AvNSI

NSÍ keypti í novembur í 2020 eina video skipan frá Spiideo. Talan er um myndatól sum verða sett upp kring vøllin við Løkin. Myndatólini kunnu so brúkast av øllum venjaranum í felagnum, umframt at NSÍ kann nú taka allar dystir upp við hesi skipanini.

Skipanin kemur at verða eitt sera gott amboð hjá venjaranum í felagnum, og eru møguleikarnir næstan óendaligir, um hvat ein ynskir at granska, bæði tá talan er um venjingar og dystir. Skipanin lagrar alt sum verður upptikið í einum databasa, og tað ber til eina og hvørja tíð hjá venjaranum at hyggja og fáa hagtøl úr skipanini. Eisini ber til at brúka hettar í samband við dystir, tvs at venjarin kann bert trýsta á ein knøtt á einum ipad ella líknandi, um hann vil taka ein støðu úr dystinum upp í hálvleikinum.

Vit í NSÍ eru fegin um at eiga hesa skipanina, og verður hon nú sett upp við vøllin við Løkin. Vit eru vís í at skipanin kemur at verða eitt sera gott amboð fyri allar venjara í felagnum, og kemur at gera alt arbeiði meira professionelt.

Meira kann lesast um skipanina her: https://www.facebook.com/Spiideo/

Viðmerkjast skal at hettar er ein skipan, sum sera nógv fótbóltsfeløg kring alt Evropa brúka, og er vit stolt av at NSÍ sum fyrst felag í Føroyum hevur gjørt hesa íløguna.

Líknandi tíðindi

Jørgin 50 ár

Jørgin 50 ár

AvNSI

Tíðin gongur, fólk koma og fara og summi standa á lívsins miðvølli eina løtu. Vit bíða øll eftir húkunum sum fara framvið, við vitanini um, at avloysararnir standa klárir í korridorunum, og í vónini um tað ið koma skal hinumegin jarðarlívið. Grækarismessan í ár er farin aftur við borðinum, dagarnir leingjast og nú vit fóru…

Fýra Steypavinnarar á A-landsliðnum

Fýra Steypavinnarar á A-landsliðnum

AvNSÍ

A-landsliðið hjá kvinnum skal síðst í hesum mánanum spæla tveir dystir. Báðir dystirnir eru í Føroyum. Fyrst verður spælt í móti Aserbadjan, 27. oktober kl. 14.00 við Djúpumýru í Klaksvík, og síðani í móti Kýpros á Tórsvølli, 31. september kl. 18.00. 22 leikarar eru úttiknar, og har av fýra steypavinnarar. Frá NSÍ eru Rúna Olsen,…

Leikskráin til dystin í dag kl. 15.00 við Løkin, NSÍ – 07 Vestur
|

Leikskráin til dystin í dag kl. 15.00 við Løkin, NSÍ – 07 Vestur

AvBúi Uni Jensen

Formaðurin setur orð á týdningin av dagsins dysti og gleðist um bjørtu framtíðina í okkara U21-leikarum, sum júst hava vunnið FM-heitið 2021. Arnfinn Langgaard vísur á hagtøl seinastu mongu árini, har NSÍ hevur leikt úti í Europa mest sum á hvørjum ári, og týdningin av at vit stuðla liðinum bæði í viðgongd og í mótgongd….