NM fyri U-17 dreingir byrjar mánadagin
Nógvur landsliðsfótbóltur verður kring landið í døgunum 6. til 11. august, tá Føroyar vera vertir fyri árligu NM-kappingini fyri U17-landslið við dreingjum.
Umframt Føroyar, ið eisini verður umboðað við U19-landsliðnum, fara Ísland, Danmark, Noreg, Svøríki, Finnland og Ongland, sum gestaland, at kappast um at gerast Norðurlandameistari 2012 fyri U17-landslið.
Flestu av dystunum í kappingini verða spældir í Gundadali Havn, men eisini í Klaksvík, í Gøtu, á Argjum, í Streymnesi og á Toftum verður landsliðsfótbóltur at síggja í aðru viku í august.
Bólkur A Føroyska U17-landsliðið er í bólki A saman við Onglandi, Noreg og Finnlandi. Fyrsti dystur í bólkinum verður spældur í Klaksvík mánadagin 6. august, klokkan 15:00, har Ongland og Føroyar møtast. Klokkan 18:00 sama dag spæla Noreg og Finnland í Sarpugerði í Norðragøtu.
Leikskráin, Bólkur A:
Dato | Klokkan | Leikstaður | Dystur |
06-08-2012 | 15:00 | Djúpumýru, Klaksvík | Ongland – Føroyar U17 |
06-08-2012 | 18:00 | Sarpugerði, Norðragøtu | Noreg – Finnland |
07-08-2012 | 15:00 | Gundadalur, Tórshavn | Ongland – Finnland |
07-08-2012 | 18:00 | Gundadalur, Tórshavn | Noreg – Føroyar U17 |
09-08-2012 | 14:00 | Inni í Vika, Argir | Føroyar U17 – Finnland |
09-08-2012 | 14:00 | Gundadalur, Tórshavn | Ongland – Noreg |
Bólkur B Í bólki B verða Danmark, Ísland, Svøríki og Føroyar U19. Fyrsti dystur verður spældur á Ovara Vølli í Gundadali mánadagin 6. august, klokkan 15:00, har føroyska U19-landsliðið skal royna seg ímóti Danmark. Og klokkan 18:00 spæla Ísland og Svøríki, somuleiðis á Ovara Vølli í Gundadali.
Leikskráin, Bólkur B
Dato | Klokkan | Leikstaður | Dystur |
06-08-2012 | 15:00 | Gundadalur, Tórshavn | Danmark – Føroyar U19 |
06-08-2012 | 18:00 | Gundadalur, Tórshavn | Ísland – Svøríki |
07-08-2012 | 15:00 | við Margáir, Streymnes | Svøríki – Danmark |
07-08-2012 | 18:00 | Tofta Leikvøllur, Toftir | Føroyar U19 – Ísland |
09-08-2012 | 18:00 | Inni í Vika, Argir | Svøríki – Føroyar U19 |
09-08-2012 | 18:00 | Gundadalur, Tórshavn | Danmark – Ísland |
Finalan leygardagin Leygardagin 11. august er finalan á skránni, og sama dag verða plaseringsdystirnir eisini spældir. Dysturin um 7. og 8. plássið verður spældur á Ovara Vølli í Gundadali, klokkan 11:00, og samstundis verður spælt á Argjum, har dysturin um 5. og 6. plássið verður spældur.
Sjálv finalan og dysturin um 3. og 4. plássið verða spældir á Ovara Vølli í Gundadali. Klokkan 13:30 er bronsudysturin á skránni, og klokkan 16:00 verður NM-finalan 2012 spæld.
Ongland favorittur Síðani Norðurlanda Meistaraheitið fyri U17-landslið við dreingjum byrjaði, hevur Onglandi, sum gestaland, luttikið á hvørjum ári. Og tað eru eisini teir ensku dreingirnir ið eru favorittar at vinna kappingina.
Á seinasta strykislistanum hjá UEFA fyri U17- landslið, er Spania fremst, meðan Ongland er á 2. plássi. Ovasta norðurland er Noreg, sum er nummar 24, eitt pláss frammanfyri Svøríki. Finnland er nummar 27, Danmark nummar 28, meðan Ísland og Føroyar eru á ávikavist 39. og 46. plássi, av teimum 52 UEFA-limalondunum.
Fyri einum ári síðani gjørdist Ísland Norðurlandsmeistari fyri U17-landslið við dreingjum. Í finaluni vunnu íslendingar 1-0 ímóti Danmark.
Føroyski landsliðshópurin er hesin:
Navn/Name | Føðingard./Birthday | Felag/Club |
Aron Clementsen | 17-11-1996 | B71 Sandur |
Dan í Soylu | 09-07-1996 | B71 Sandur |
Steintór Fagradal | 15-02-1996 | B71 Sandur |
Meinhard Olsen | 10-04-1997 | NSÍ Runavík |
Beteul Hansen | 14-03-1997 | NSÍ Runavík |
Leivur Højgaard | 03-01-1996 | NSÍ Runavík |
Hákun Edmundsson | 21-03-1996 | B68 Toftir |
Jóhannus Hansen | 25-02-1996 | NSÍ Runavík |
Benjamin Heinesen | 26-03-1996 | B36 Tórshavn |
Dánjal Godtfred | 07-03-1996 | FC Suðuroy |
Jákup F. Hansen | 24-06-1996 | HB Tórshavn |
Levi Jøkladal | 20-12-1997 | ÍF Fuglafjørður |
Jóannes Bjartalíð | 10-07-1996 | KÍ Klaksvík |
Elias Rasmussen | 13-05-1996 | Víkingur Gøtu/Leirvík |
John J. Frederiksen | 10-01-1996 | Brøndby IF (DK) |
Jógvan Andrias á Lað Jacobsen | 16-02-1996 | FC København (DK) |
Emil Rom Madsen | 12-06-1996 | FFI Frederikshavn (DK) |
Absalon Eliasen | 30-05-1997 | Randers FC (DK) |
– | ||
Officials | ||
Pól F. Joensen | Coach | – |
Áki Johansen | Coach | – |
Kaj Niclasen | Goalkeeper Coach | – |
Andras Thomasen | Kit Manager | – |
Sum tað sæst av yvirlitinum eru fýra leikarar úr NSÌ sum sostatt er tað felagið við flest U-17 landsliðsleikarum. NSÌ leikarnir eru: Leivur Højgaard verjuleikari, Betuel Hansen miðvallari, Meinhard Olsen framherji og Jóhannes Hansen framherji.
Góða eydnu.
MYND. Standandi frá vinstru: Betuel Hansen, Jóhannes Hansen, Leivur Højgaard og Meinhard Olsen