Arne Gregersen úttikin til U-19 landsliðið
U19 landsliðsvenjararnir, Ábraham Løkin og Eli Hentze, hava úttikið teir 18 leikararnar, sum skulu manna føroyska hópin til komandi EM undankapping fyri U19 landslið í Portugal.
Ein av okkara evnaríku spælarum, 18 ára gamli Arni Gregersen er millum úttiknu leikararnar.
Umframt at spæla á unglingaliðnum hjá NSÌ, hevur Arni eisini spælt teir flestu dystirnar á 1 deild hjá okkum, umframt at hann onkuntíð hevur verið partur av Vodafone hópinum.
Føroyar eru í bólki saman við Portugal, Ungarn og San Marino til hesa kappingina.
Dystirnir sum U-19 landsliðið skal leika, eru hesir:
4. novembur, kl. 15.00: Portugal-Føroyar
6. novembur, kl. 15.00: Ungarn-Føroyar
9. novembur, kl. 15.00: Føroyar-San Marino
Heimasíðan ynskir Arna hjartaliga tillukku við úttøkuni og góða eydnu við landsliðnum.